O‘zbekiston Vazirlar Mahkamasi 21-sentabr kuni arxeologik tadqiqotlarni tubdan takomillashtirish to‘g‘risidagi qarorni qabul qildi, deya xabar bermoqda Adliya vazirligining “Huquqiy axborot” Telegram-kanali.
Qarorga muvofiq, 2021-yildan boshlab har ikki yilda bir marta Namangan viloyatida Axsikent yodgorligi asosida keng xalq ommasiga tarix bilimini targ‘ib etish hamda turizmni rivojlantirish maqsadida “O‘tmishga sayohat” xalqaro tarixiy-madaniy festival o‘tkaziladi.
Qayd etib o‘tish joiz, Prezident Shavkat Mirziyoyev 2019-yil fevralida Namangan viloyatiga tashrifi chog‘ida Axsikent arxeologik yodgorlik majmuasida “qadimiy tarixni targ‘ib qiluvchi festival o‘tkazish” bo‘yicha tavsiya bergan edi.
Mavzuga doir: Shavkat Mirziyoyev To‘raqo‘rg‘on tumanidagi Axsikent arxeologik yodgorlik majmuasini borib ko‘rdi
Ma’lumot uchun, so‘nggi vaqtlarda O‘zbekistonning turli burchaklari xalqaro festivallar o‘tkazilishi odatiy tusga kirmoqda. Xususan, Shahrisabzda Xalqaro maqom festivali, Qo‘qonda Xalqaro hunarmandchilik festivali, Termizda Xalqaro baxshichilik festivali o‘tkazilmoqda. Samarqanddagi “Sharq taronalari” xalqaro musiqa festivali esa bir necha yillardan beri o‘tkazib kelinadi.
Izoh (0)