Futbol bo‘yicha Italiya A Seriyasining 4-turidan o‘rin olgan bahsda “Yuventus” o‘z maydonida “Verona” klubini mehmon qildi.
Bellashuv Turin klubining 2:1 hisobidagi g‘alabasi bilan yakunlandi. Shu kuni turinliklar darvozasini Janluiji Buffon qo‘riqladi.
Buffon o‘yindan so‘ng Instagram’dagi sahifasiga bir nechta suratni joyladi. Suratlardan birida o‘zbekistonlik futbol muxlisining quyidagi yozuvlari aks etgan banner ham bor edi: “Buffon, seni ko‘rish uchun O‘zbekistondan 5000 km yo‘l bosib keldim”.
Ma’lumot uchun, O‘zbekistonda “Yuventus”ning rasmiy fan klubi mavjud.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)