Футбол бўйича Италия А Сериясининг 4-туридан ўрин олган баҳсда «Ювентус» ўз майдонида «Верона» клубини меҳмон қилди.
Беллашув Турин клубининг 2:1 ҳисобидаги ғалабаси билан якунланди. Шу куни туринликлар дарвозасини Жанлуижи Буффон қўриқлади.
Буффон ўйиндан сўнг Instagram’даги саҳифасига бир нечта суратни жойлади. Суратлардан бирида ўзбекистонлик футбол мухлисининг қуйидаги ёзувлари акс этган баннер ҳам бор эди: «Буффон, сени кўриш учун Ўзбекистондан 5000 км йўл босиб келдим».
Маълумот учун, Ўзбекистонда «Ювентус»нинг расмий фан клуби мавжуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)