Россиянинг Екатеринбург шаҳрида 20 сентябрь, жума куни бокс бўйича Жаҳон чемпионатининг ярим финал баҳслари бўлиб ўтмоқда.
Ярим финал баҳсларини -52 килограмм вазн тоифасида Ўзбекистон терма жамоасини ҳимоя қилаётган Шаҳобиддин Зоиров бошлаб берди. У франциялик Билал Беннамага қарши баҳс олиб борди ва ишончли ғалабани (5:0) қўлга киритди.Шу тариқа Рио Олимпиадаси чемпиони Жаҳон чемпионатининг финалида ҳиндистонлик Амитга қарши жанг қилади.
Эслатиб ўтиш жоиз, Амит бир неча марта ўзбекистонлик бошқа бир боксчи Ҳасанбой Дўстматовга қарши рингга чиқиб, уни мағлуб этганди.
Маълумот учун, кечки дастурда яна тўртта ўзбекистонлик боксчи ярим жангида иштирок этади.
Жанг видеосини «Дарё»нинг Telegram’даги расмий спорт канали — @daryo_sport’да томоша қилишингиз мумкин.
Изоҳ (0)