2-sentabr, dushanba kuni soat 12:32 da Farg‘ona viloyati Dang‘ara tumani “Qo‘rg‘oncha” MFY Chankat qishlog‘ida yashovchi fuqaro M.M.ning uyida yong‘in sodir bo‘lganligi haqida yong‘in-qutqaruv xizmatiga xabar kelib tushgan, deb xabar berdi FVV YoXBB OAV bilan hamkorlik qilish bo‘linmasi.
Yong‘inga 2 ta yong‘in o‘chirish bo‘linmasi jalb etilgan. Voqea joyiga yetib borgan yong‘in o‘chiruvchilarning tezkor harakatlari natijasida yong‘in bartaraf etilgan. Yong‘in oqibatida yashash uyi oshxonasining 15 kvadrat metr maydonida tom va shift qismilari yonib zararlangan.
Yong‘indan yashash uyining 160 kvadrat metr maydoni saqlab qolingan. Ko‘rsatilgan manzilda gaz va havo aralashmasining portlashi natijasida uy egasining o‘g‘li 2002-yilda tug‘ilgan fuqaro S.Q. kuyish tan jarohati olib, yong‘in o‘chirish ekipajlari yetib borgunga qadar shifoxonaga olib ketilgani ma’lum bo‘lgan.
Yong‘inning kelib chiqish sababi gaz maishiy ballonini almashtirish vaqtida gaz sizib chiqib xonaga to‘planishi va uy egasining o‘g‘li gugurt yoqishi natijasida yuzaga kelgan portlashdan, deyiladi xabarda.
Izoh (0)