Qashqadaryoda 2-sentabr kuni Qashqadaryo viloyati IIB tizimda faoliyat yurituvchi xodimlarni taqdirlash marosimi bo‘lib o‘tdi. Bu haqda viloyat IIB boshlig‘i Dilshod Tursunboyev ma’lum qildi, deya xabar bermoqda “Daryo” muxbiri.
Tadbir davomida viloyat IIB boshlig‘i burug‘iga ko‘ra, 2019-yil 11-avgust kuni pora tariqasida taklif qilingan 13 million so‘m pulni olmagan va bu haqda rahbariyatga xabar bergan kapitan Raim Sodiqov 10 million so‘m pul mukofoti bilan taqdirlandi.
G‘uzor tumani IIB xodimi, katta leytenant O‘ktam Ahmedov ham g‘uzorlik N.N.ning fuqaro R.M.ni haqorat qilganligi haqidagi huquqbuzarligini “yopdi-yopdi qilish” evaziga taklif qilingan 400 ming so‘m porani olmasdan, jinoyatni fosh etishdagi ishtiroki uchun viloyat IIB boshlig‘i buyrug‘iga ko‘ra, 800 ming so‘m pul mukofotiga munosib ko‘rilgan.
Tadbirda, shuningdek, mamlakat tinchligini ta’minlash, jinoyatchilikka qarshi kurashish va uning oldini olish borasidagi mehnatlari, o‘z xizmat burchini bajarish chog‘ida ko‘rsatgan mardlik va jasorati hamda O‘zbekiston mustaqilligining 28 yillik bayrami munosabati bilan bir guruh xodimlar ham mukofotlangan.
Izoh (0)