Қашқадарёда 2 сентябрь куни Қашқадарё вилояти ИИБ тизимда фаолият юритувчи ходимларни тақдирлаш маросими бўлиб ўтди. Бу ҳақда вилоят ИИБ бошлиғи Дилшод Турсунбоев маълум қилди, дея хабар бермоқда «Дарё» мухбири.
Тадбир давомида вилоят ИИБ бошлиғи буруғига кўра, 2019 йил 11 август куни пора тариқасида таклиф қилинган 13 миллион сўм пулни олмаган ва бу ҳақда раҳбариятга хабар берган капитан Раим Содиқов 10 миллион сўм пул мукофоти билан тақдирланди.
Ғузор тумани ИИБ ходими, катта лейтенант Ўктам Аҳмедов ҳам ғузорлик Н.Н.нинг фуқаро Р.М.ни ҳақорат қилганлиги ҳақидаги ҳуқуқбузарлигини «ёпди-ёпди қилиш» эвазига таклиф қилинган 400 минг сўм порани олмасдан, жиноятни фош этишдаги иштироки учун вилоят ИИБ бошлиғи буйруғига кўра, 800 минг сўм пул мукофотига муносиб кўрилган.
Тадбирда, шунингдек, мамлакат тинчлигини таъминлаш, жиноятчиликка қарши курашиш ва унинг олдини олиш борасидаги меҳнатлари, ўз хизмат бурчини бажариш чоғида кўрсатган мардлик ва жасорати ҳамда Ўзбекистон мустақиллигининг 28 йиллик байрами муносабати билан бир гуруҳ ходимлар ҳам мукофотланган.
Изоҳ (0)