Qashqadaryo viloyatining Shahrisabz tumanida yashovchi Y.K. xonadonida 1-sentabr kuni portlash sodir bo‘lgan. Bu haqda IIV Jamoatchilik va OAV bilan aloqalar boshqarmasi xabar beradi.
Portlash oshxona gaz plitasini yoqish uchun gugurt chaqilganda, gaz ballonidan sizib chiqib, to‘planib qolgan gaz va havo aralashmasidan sodir bo‘lgan.
Oqibatda Y.K.ning oshxonada bo‘lgan 4 yoshli qizi kuyish jarohatini olgan va kasalxonaga yotqizilgan.
Ayni vaqtda voqea yuzasidan surishtiruv ishlari olib borilmoqda.
Izoh (0)