Avstraliyada instruktor parvoz chog‘ida hushdan ketdi. Yangi uchuvchi nazoratni qo‘lga oldi va samolyotni qo‘ndirdi

Avstraliyada stajyor uchuvchi Maks Silvestr instruktor parvoz chog‘ida hushini yo‘qotganidan so‘ng Cessna yengil samolyotini muvaffaqiyatli qo‘ndirdi. Bu haqda Meduza xabar berdi.

Bu Silvestrning ilk amaliy parvozi edi. Bunga qadar u faqat nazariy darslarda qatnashgan.

Yerda uni rafiqasi hamda uch nafar farzandi kuzatib turardi.

G‘arbiy Avstraliyadagi yozgi maktab talabasi 31-avgust kuni samolyotni shoshilinch tarzda muvaffaqiyatli qo‘ndirdi.

Instruktor hushini yo‘qotgach, Silvestr dispetcherlik xizmati bilan bog‘landi. Yer bilan olib borilgan muzokaralar chog‘ida Silvestr avval samolyotni qo‘ndirmaganini tan oldi. Dispetcher parvoz chog‘ida Silvestrga yo‘l-yo‘riq ko‘rsatgan hamda uni qo‘llab-quvvatlagan.

Silvestr samolyotni qo‘ndirishi bilan instruktorni kasalxonaga olib ketishdi.

Shifokorlar instruktorning ahvolini barqaror deb baholamoqda.

Maks Silvestr avval ham ikki marta boshqa samolyotda uchgani, biroq u biror marta ham samolyotni qo‘ndirmaganini so‘zlab bergan.

U yuz bergan hodisa tufayli uchishga biroz qo‘rqayotgani, biroq bu holat unga yana samolyot boshqarishga xalaqit bermasligini ma’lum qilgan.

Air Traffic Control: "Have you landed any aircraft before?"

Max Sylvester: "No, I haven't ... this is my first lesson."

Listen to the moment a trainee pilot made an emergency landing at a Perth airport after his instructor blacked out.https://t.co/4eYM4ymsS5 pic.twitter.com/wlZ4tKBLrJ

— News Breakfast (@BreakfastNews) September 1, 2019