Австралияда инструктор парвоз чоғида ҳушдан кетди. Янги учувчи назоратни қўлга олди ва самолётни қўндирди

Австралияда стажёр учувчи Макс Сильвестр инструктор парвоз чоғида ҳушини йўқотганидан сўнг Cessna енгил самолётини муваффақиятли қўндирди. Бу ҳақда Meduza хабар берди.

Бу Сильвестрнинг илк амалий парвози эди. Бунга қадар у фақат назарий дарсларда қатнашган.

Ерда уни рафиқаси ҳамда уч нафар фарзанди кузатиб турарди.

Ғарбий Австралиядаги ёзги мактаб талабаси 31 август куни самолётни шошилинч тарзда муваффақиятли қўндирди.

Инструктор ҳушини йўқотгач, Сильвестр диспетчерлик хизмати билан боғланди. Ер билан олиб борилган музокаралар чоғида Сильвестр аввал самолётни қўндирмаганини тан олди. Диспетчер парвоз чоғида Сильвестрга йўл-йўриқ кўрсатган ҳамда уни қўллаб-қувватлаган.

Сильвестр самолётни қўндириши билан инструкторни касалхонага олиб кетишди.

Шифокорлар инструкторнинг аҳволини барқарор деб баҳоламоқда.

Макс Сильвестр аввал ҳам икки марта бошқа самолётда учгани, бироқ у бирор марта ҳам самолётни қўндирмаганини сўзлаб берган.

У юз берган ҳодиса туфайли учишга бироз қўрқаётгани, бироқ бу ҳолат унга яна самолёт бошқаришга халақит бермаслигини маълум қилган.

Air Traffic Control: "Have you landed any aircraft before?"

Max Sylvester: "No, I haven't ... this is my first lesson."

Listen to the moment a trainee pilot made an emergency landing at a Perth airport after his instructor blacked out.https://t.co/4eYM4ymsS5 pic.twitter.com/wlZ4tKBLrJ

— News Breakfast (@BreakfastNews) September 1, 2019