O‘zbekiston mustaqilligining 28 yilligi bayrami tadbirlari davomida viloyat hududidagi madaniyat va istirohat bog‘larida yuzaga kelishi mumkin bo‘lgan favqulodda vaziyatlarning oldini olish bo‘yicha maxsus-taktik o‘quv mashqi o‘tkazildi. Bu haqda “Daryo”ga Xorazm viloyati FVB YoXB axborot xizmati katta inspektori leytenant Sh.Hasanov ma’lum qildi.
O‘quv mashqi tegishli Favqulodda vaziyatlarda ularning oldini olish va harakat qilish davlat quyi tizimi (FVDQT) tomonidan Urganch shahar “Avesto” majmuasi va “Amir Temur” nomidagi madaniyat va istirohat bog‘ida o‘tkazilgan. Unda jami 464 nafar xodim hamda 48 ta texnika ishtirok etgan.
O‘tkazilgan mashqlar davomida maydon hududida sodir bo‘lgan zilzila va yong‘inni bartaraf qilish, fuqarolarni xavfdan holi hududga olib chiqish, jarohatlanganlarga o‘z vaqtida tibbiy yordam ko‘rsatish bo‘yicha tuzilgan tadbirlarning hamkor tashkilotlar tomonidan bajarilishi tekshiruvdan o‘tkazilgan.
Izoh (0)