Nursulton Nazarboyev dunyo hamjamiyatini yadro qurollaridan voz kechishga, yadro sinov poligonlariga ega davlatlarni esa bu infrastrukturani yo‘q qilishga chaqirdi. Bu haqda “Zakon.kz” xabar bermoqda.
“Yadro sinov poligonlari bo‘lgan davlatlarga bu poligon infrastrukturasini yo‘q qilishni taklif qilaman. Qozog‘istonda bu borada tajriba bor, Rossiya va AQSh ham bunday tajribaga ega, biz bu tajriba bilan bo‘lishishga tayyormiz”, — degan Nazarboyev.
U, shuningdek, yadro quroliga asoslangan strategik barqarorlikning arxaik konsepsiyasini qayta ko‘rib chiqish va yadro qurollari nazoratining yangi tizimini yaratish zaruratiga e’tibor qaratgan.
“Shu sababli yadro qurolini qisqartirish to‘g‘risida keng qamrovli shartnoma tuzish bo‘yicha muzokaralar olib borish zarur. Yadro davlatlaridan qonuniy majburiy xavfsizlik kafolatlarining samarali tizimini joriy etish juda dolzarb masaladir. Xavfsizlik kafolatlari ixtiyoriy ravishda yadro qurolidan voz kechgan, shuningdek yadrosiz maqomga ega bo‘lgan davlatlarga berilishi kerak”,— deb qo‘shimcha qilgan u.
Nazarboyev sayyoraning kelajagini o‘ylagan yadro davlatlari rahbarlari muzokara stoliga o‘tirsagina natijaga erishish mumkinligini ta’kidlagan. “Bu masalaning asosiy ishtirokchilari — AQSh, Rossiya, Xitoy va boshqa yadro davlatlari rahbarlariga poytaxtimizda uchrashish bo‘yicha rasmiy taklif bilan chiqdim”,— degan Nazarboyev.
Izoh (0)