Qirg‘iziston Sotsial-demokratik partiyasi mamlakat Ichki ishlar vazirligi va Bosh prokuraturaga ochiq murojaat yo‘lladi, deb xabar beradi “KNews.kg”.
Murojaat sobiq ichki ishlar vaziri Kursan Asanov va Qirg‘iziston Milliy tasviriy san’at muzeyi direktori Mira Jangaracheva o‘rtasida bo‘lib o‘tgan telefon suhbatiga taalluqli. Ijtimoiy tarmoqlardagi post mualliflarining ta’kidlashicha, ushbu telefon suhbati 2019-yilning 7-avgust kuni kechasi sodir bo‘lgan.
“Sizlardan telefon suhbati bo‘yicha ovoz ekspertizasini o‘tkazishni so‘raymiz, biz ushbu audioyozuvni, shuningdek, Mira Jangaracheva ishtirokidagi rasmiy yozuvlar va hujjatli filmlarni xalqaro ekspertizaga yuborganimiz haqida sizni ogohlantiramiz. Biz yozuvning haqiqiyligini aniqlamoqchimiz.
Ayni vaqtda Mira Jangaracheva va Kursan Asanovning telefon suhbati bo‘yicha ularni so‘roq qilishingizni va yozuv haqiqatdan tasdiqlansa, Mira Jangarachevaga nisbatan qotillikka aloqadorlik, shuningdek, tajovuzga chorlov bo‘yicha jinoyat ishini qo‘zg‘atishingizni so‘raymiz.
Biz Mira Jangaracheva 1991—2005-yillarda Akayevlar oilasining ishonchli vakili bo‘lganini va Almazbek Atambayevga nisbatan alohida dushmanligi borligini bilamiz.
Alohida ta’kidlaymizki, Mira Jangarachevaga nisbatan hech qanday husumatimiz yo‘q va unga yomonlik tilamaymiz, biroq uning ushbu xatti-harakatlarini, shuningdek, inson hayotiga bo‘lgan munosabatini davlat amaldoriga, ayniqsa, yosh avlodning ma’naviy-axloqiy salohiyatini kuchaytirishga qaratilgan muzey xodimiga xos emas deb hisoblaymiz.
Zudlik bilan tergov harakatlarini amalga oshirib, qonun doirasida jinoyat ishi ochishlaringizni so‘raymiz, aks holda jamoatchilik hukumat sobiq prezident Almazbek Atambayevni jismonan yo‘q qilmoqchi ekan degan fikrga boradi. Mira Jangarachevaning vajlariga ko‘nmagan Kursan Asanovning ishdan bo‘shatilishi bunga yorqin misol bo‘la oladi”.
Mira Jangaracheva Kursan Asanov bilan telefon suhbati davomida uni o‘sha yerning o‘zida otib tashlashlarini so‘ragan.
https://www.facebook.com/bespredelKG/videos/2348638358556549/
Izoh (0)