Қирғизистон Социал-демократик партияси мамлакат Ички ишлар вазирлиги ва Бош прокуратурага очиқ мурожаат йўллади, деб хабар беради «KNews.kg».
Мурожаат собиқ ички ишлар вазири Курсан Асанов ва Қирғизистон Миллий тасвирий санъат музейи директори Мира Жангарачева ўртасида бўлиб ўтган телефон суҳбатига тааллуқли. Ижтимоий тармоқлардаги пост муаллифларининг таъкидлашича, ушбу телефон суҳбати 2019 йилнинг 7 август куни кечаси содир бўлган.
«Сизлардан телефон суҳбати бўйича овоз экспертизасини ўтказишни сўраймиз, биз ушбу аудиоёзувни, шунингдек, Мира Жангарачева иштирокидаги расмий ёзувлар ва ҳужжатли фильмларни халқаро экспертизага юборганимиз ҳақида сизни огоҳлантирамиз. Биз ёзувнинг ҳақиқийлигини аниқламоқчимиз.
Айни вақтда Мира Жангарачева ва Курсан Асановнинг телефон суҳбати бўйича уларни сўроқ қилишингизни ва ёзув ҳақиқатдан тасдиқланса, Мира Жангарачевага нисбатан қотилликка алоқадорлик, шунингдек, тажовузга чорлов бўйича жиноят ишини қўзғатишингизни сўраймиз.
Биз Мира Жангарачева 1991—2005 йилларда Акаевлар оиласининг ишончли вакили бўлганини ва Алмазбек Атамбаевга нисбатан алоҳида душманлиги борлигини биламиз.
Алоҳида таъкидлаймизки, Мира Жангарачевага нисбатан ҳеч қандай ҳусуматимиз йўқ ва унга ёмонлик тиламаймиз, бироқ унинг ушбу хатти-ҳаракатларини, шунингдек, инсон ҳаётига бўлган муносабатини давлат амалдорига, айниқса, ёш авлоднинг маънавий-ахлоқий салоҳиятини кучайтиришга қаратилган музей ходимига хос эмас деб ҳисоблаймиз.
Зудлик билан тергов ҳаракатларини амалга ошириб, қонун доирасида жиноят иши очишларингизни сўраймиз, акс ҳолда жамоатчилик ҳукумат собиқ президент Алмазбек Атамбаевни жисмонан йўқ қилмоқчи экан деган фикрга боради. Мира Жангарачеванинг важларига кўнмаган Курсан Асановнинг ишдан бўшатилиши бунга ёрқин мисол бўла олади».
Мира Жангарачева Курсан Асанов билан телефон суҳбати давомида уни ўша ернинг ўзида отиб ташлашларини сўраган.
https://www.facebook.com/bespredelKG/videos/2348638358556549/
Изоҳ (0)