Qirg‘iziston sobiq prezidenti Almazbek Atambayevning qarindoshi uyida olib borilgan tintuv chog‘ida yirik miqdordagi pul, shuningdek, odamlar va xarajatlar ro‘yxatlari topildi, deb yozadi “Nur.kz”.
Tintuv Qo‘y-Toshdagi ommaviy tartibsizliklar haqidagi ishni tekshirish doirasida Bishkekda Atambayev o‘g‘lining qaynotasi uyida olib borilgan. Unda Sayit Atambayev tomonidan 8-avgust kuni qarindoshining uyiga saqlash uchun qoldirib ketilgan sumka topildi.
Unda 170 ming som (taxminan 2,5 ming dollar), aholi punktlari va telefon raqamlari ko‘rsatilgan odamlar ro‘yxati, shuningdek, jami 2,2 million som (31,5 ming dollar) va 318 ming dollarlik xarajatlar ko‘rsatilgan yozuvlar bo‘lgan.
Mamlakat IIV xabarida aytilishicha, dastlabki ma’lumotlarga ko‘ra, ko‘rsatilgan pullar miting va ommaviy tartibsizliklar ishtirokchilarini ta’minlash va moliyalashtirishga sarflangan. Ayni paytda ro‘yxatlar o‘rganib chiqilmoqda.
Izoh (0)