Qirg‘iziston Bosh prokuraturasi sobiq prezident Almazbek Atambayevning xatlanishi kerak bo‘lgan mol-mulki ro‘yxatini e’lon qildi, deb yozadi Tengrinews.
Figuranti Atambayev bo‘lgan jinoyat ishlarini tekshirish doirasida mol-mulk, qimmatbaho qog‘ozlar, aksiyalar, Qirg‘iziston banklaridagi barcha hisobraqamlar xatga olingan. Chunonchi 25 ta bankdagi hisoblar hamda 10 ta bankda bank yacheykalari tarkibi xatlangan.
Almazbek Atambayevning beshta avtomobili, Chuy va Issiqko‘l viloyatlaridagi yer uchastkalari, Qo‘y-Tosh qishlog‘idagi yaylov, salomatlik markazi, turar joy, ko‘p yillik daraxtzorlar, shuningdek, sobiq prezidentning rafiqasiga tegishli mol-mulk: uchta avtomobil, Bishkekdagi kvartira va turar joy xatlangan.
Bundan tashqari, “Qirg‘izavtomash” OAJ mol-mulki bo‘lgan 10 dan ortiq sex, 20 dan ziyod xonadon, noturar binolar, temir yo‘l, do‘konlar, yer uchastkalari, omborxonalar va boshqalar ham xatga olingan.
Shuningdek, “Media Forum” OAJ, “Forum” ilmiy-ishlab chiqarish firmasi, “Aprel-TV”” mol-mulki ham xatlangan.
Izoh (0)