Sankt-Peterburgdagi bozorda travmatik qurol ishlatish holati kuzatilgan ommaviy mushtlashuv yuz berdi, uch ishtirokchi jarohat oldi. Bu haqda “TASS” Rossiya Ichki ishlar vazirligiga tayanib xabar bermoqda.
“Kun.uz”ning yozishicha, jabrlanganlar kasalxonaga olib ketilgan. Ta’kidlanishicha, savdo joyi uchun kelib chiqqan bahs mojaroga sabab bo‘lgan.
“Svobodnaya pressa” xabariga ko‘ra, mushtlashuvda umumiy soni kamida sakkiz kishidan iborat bo‘lgan O‘zbekiston va Ozarboyjon fuqarolari ishtirok etgan.
Politsiyadan ma’lum qilishlaricha, mojaro davomida travmatik qurol ishlatilgan. «Fontanka»ning yozishicha, janjal ishtirokchilaridan biri raqiblariga bita (to‘qmoq) bilan hujum qilgan.
Politsiya voqea yuzasidan surishtiruv ishlarini olib bormoqda.
Izoh (0)