Қирғизистон собиқ президенти Алмазбек Атамбаевнинг қариндоши уйида олиб борилган тинтув чоғида йирик миқдордаги пул, шунингдек, одамлар ва харажатлар рўйхатлари топилди, деб ёзади «Nur.kz».
Тинтув Қўй-Тошдаги оммавий тартибсизликлар ҳақидаги ишни текшириш доирасида Бишкекда Атамбаев ўғлининг қайнотаси уйида олиб борилган. Унда Сайит Атамбаев томонидан 8 август куни қариндошининг уйига сақлаш учун қолдириб кетилган сумка топилди.
Унда 170 минг сом (тахминан 2,5 минг доллар), аҳоли пунктлари ва телефон рақамлари кўрсатилган одамлар рўйхати, шунингдек, жами 2,2 миллион сом (31,5 минг доллар) ва 318 минг долларлик харажатлар кўрсатилган ёзувлар бўлган.
Мамлакат ИИВ хабарида айтилишича, дастлабки маълумотларга кўра, кўрсатилган пуллар митинг ва оммавий тартибсизликлар иштирокчиларини таъминлаш ва молиялаштиришга сарфланган. Айни пайтда рўйхатлар ўрганиб чиқилмоқда.
Изоҳ (0)