Olmaotalik Bekzat Muxanova wing walking’ni o‘zlashtirgan birinchi qozog‘istonlik ayol bo‘ldi, deb yozadi Tengrinews. U parvoz qilayotgan samolyotning qanoti bo‘ylab yurib o‘tdi va buni videoga oldi.
27 yoshli Bekzat uni bunday jasoratga Tesla va SpaceX kompaniyalari asoschisi Ilon Maskning samolyot qanotida olingan fotosurati ilhomlantirganini aytdi.
“Ammo u samolyot qanotida sayr qilmagan, shunchaki parvoz qilgan. Ya’ni uni yerda samolyotga bog‘lab, u bilan birga parvoz qilishgan, tryuklar bajarishgan va yana yerga qo‘nishgan”, — dedi qiz.
Bekzat esa samolyot balandlikka chiqqanidan keyin ehtiyot arqoni taqib olgan holda yo‘lovchi kabinkasidan chiqib, samolyotning tepa qanotiga ko‘tarilgan va ikkala qanot bo‘ylab sayr qilgan.
Buning uchun u AQShda samolyot qanotida sayr qilish — wing walking’ni o‘rgatuvchi Mason Wing Walking akademiyasida o‘qib kelgan.
https://www.instagram.com/p/B1OmcITHrKu/
Izoh (0)