Rossiyaning Ryazan viloyatida yuz bergan YTHda 6 nafar tojikistonlik halok bo‘ldi, deb xabar bermoqda “Asia-Plus”.
Xabarda aytilishicha, mikroavtobus va Toyota Land Cruiser yo‘ltanlamas mashinasi to‘qnashgan. Halok bo‘lganlarning barchasi tojikistonlik migrantlardir. Ulardan biri voyaga yetmagan bola, qolgan 5 nafari kattalardir.
Yana 8 kishi turli darajada jarohatlar olgan. Ulardan ikki nafari — mikroavtobus yo‘lovchisi va yana biri kasalxonaga yetkazilgan.
Dastlabki ma’lumotlarga ko‘ra, halok bo‘lganlar Mercedes Vito mikroavtobusi yo‘lovchisi bo‘lgan. Hozirda ularning shaxsi aniqlanmoqda.
Izoh (0)