АҚШ бугун, 2 август куни «совуқ уруш»га барҳам бериши кўзланган Ўрта ва қисқа масофага учувчи ракеталарни йўқ қилиш тўғрисидаги Россия—Америка шартномасидан расман чиқди. Бу ҳақда «Korrespondent.net» хабар берди.
Ушбу шартнома 1987 йилда СССР раҳбари Михаил Горбачёв ва АҚШ президенти Рейган томонидан имзоланган. Ҳужжат ҳар иккала мамлакатга 500 дан 5000 километргача масофага отиладиган ракеталарга эга бўлишни тақиқлаган. Ушбу шартноманинг имзоланиши дунёни «совуқ уруш» ҳолатидан олиб чиққан.
Аввалроқ АҚШ Ўрта ва қисқа масофага учувчи ракеталарни йўқ қилиш тўғрисидаги шартномадан расман чиқмоқчи эканлигини маълум қилган ва Россияни ушбу шартномани бузганликда айблаган эди.
Изоҳ (0)