“Lill”da faoliyat yuritib kelgan Nikolya Pepe “Arsenal” futbolchisiga aylandi. Bu haqda klub rasmiy saytida xabar berildi.
“To‘pchilar” 24 yoshli ivuarlik bilan 5 yillik shartnoma imzoladi. Pepe London klubida 19-raqam ostida to‘p tepadigan bo‘ldi.
Nikolya transferi uchun “Arsenal” 80 million yevro to‘ladi. Shu tariqa u klub tarixidagi eng qimmat xaridga aylandi.
Pepe o‘tgan mavsum “Lill” tarkibida barcha musobaqalarda 41 ta o‘yinda maydonga tushib, 23 ta gol urgan va 12 ta golga assistentlik qilgan.
Kot-d’Ivuar terma jamoasi tarkibida esa 8 ta o‘yinda qatnashib, 3 bora raqib darvozasini aniq nishonga olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)