Andijon viloyati Xonobod shahrida elektromobil ishlab chiqarishni tashkil etish rejalashtirilmoqda. Bu Vazirlar Mahkamasining “2019—2022-yillarda Andijon viloyatining sanoat salohiyatini rivojlantirish bo‘yicha qo‘shimcha chora-tadbirlar to‘g‘risida”gi qarorida belgilab berildi, deb ma’lum qiladi “Xalq so‘zi Online”.
Loyiha qiymati 2 milliard so‘m deya baholanyapti. Tashabbuskor esa “Oltin yer himoya” MChJ bo‘lib, uning rahbari o‘tgan yil “Mard o‘g‘lon” Davlat mukofoti bilan taqdirlangan Shahrizod Musaboyevdir.
Mazkur innovatsion korxona 2021-yil 1-iyunda foydalanishga topshirilishi kutilyapti. Shu asosda 10 ta yangi ish o‘rni yaratiladi.
Izoh (0)