Sirdaryolik 69 yoshli otaxon Orolga velosipedda yo‘lga chiqqan edi, yangi ma’lumotlarga ko‘ra, Abdurasul ota Buxoro viloyatining chekka hududlarida joylashgan Gazli shahridan o‘tib, Xorazm diyoriga yetib qolibdi. Bu haqda O‘zA xabar bermoqda.
Otaxonning aytishicha, yo‘l-yo‘lakay turfa xildagi odamlar bilan hamsuhbat bo‘lgan holda ularning beminnat yordamlaridan bahramand bo‘lib yo‘l mashaqqatlari ham u qadar sezilmayotgan ekan.
– Orolga safarim chog‘ida ko‘plab insonlar bilan suhbatda bo‘lyapman, odamlarning turmush tarzi, yurtimizda amalga oshirilayotgan olamshumul o‘zgarishlarga guvoh bo‘lyapman. Shukrki, yurtimiz odamlari mehmondo‘st, odamoxun, qalbi toza va ezgu niyatli kishilar. Bu jihat menda yangidan-yangi kuch-quvvatlarni paydo qilmoqda. Birgina orzuim – Orolga esonlikda yetib olib, uning suvlariga yuzimni chaysam deyman, – deydi to‘lqinlanib otaxon.
Izoh (0)