Taniqli bloger Liliya Nikolenko Yangiyo‘l shahrida tadbirkorlarga tegishli do‘konlar, sartaroshxona va boshqa binolar buzilayotgani haqida “Daryo”ga ma’lum qildi.
Binolari buzilgan Yang‘iyo‘ldagi tadbirkorlardan murojaat kelishi davom etmoqda. Tadbirkorlar hokimdan buzib tashlangan bino uchun kompensatsiya so‘ramoqda, biroq kompensatsiya yo‘q. Tadbirkorlar tomonidan berilgan savollarga hokimlik quyidagicha javob qaytarmoqda:
— Oilamizni qanday qilib boqamiz? Axir biznesimizni yo‘q qildingizku?
— Bu yerga ko‘p qavatli uylarni quramiz va birinchi qavatidan sizlarga joy ajratamiz.
— Qachon qurib bo‘lasizlar?
— Bir yildan so‘ng, balki qishgachadir.
— Oilamiz hech qayerdan daromad olmasdan qanday qilib bir yil yashaydi?
Hokimlikdan javob yo‘q.
“Biz yil oxiriga qadar soliqlarni to‘lab qo‘yganmiz. Endi biznesimiz yo‘q. Pullarimizni qaytarishadimi?’, ‘Biznes uchun kredit olganmiz, endi u yo‘q. Qanday qilib foizlarini to‘laymiz’, ‘Prezident binolarga kompensatsiya to‘lanmasdan buzilmasligini aytgan. Sizlar esa buldozerlarda barchasini yakson qildinglar. Nega Prezidentning topshirig‘ini bajarmayapsizlar? — deydi tadbirkorlar.
Yangiyo‘ldagi tadbirkorlarga to‘lanadigan kompensatsiya miqdori hisoblab chiqilsa, pullar yaqin vaqt ichida to‘lanmasligi oydin bo‘ladi. Kompensatsiya budjet hisobidan to‘lanadi, ya’ni soliq to‘lovchilar hisobidan. Nega hokim buzganini davlat to‘laydi?
Balki buzg‘unchi, budjetni “sog‘adigan” hokimlarni almashtirib, avval quradigan, keyin kompensatsiya to‘lab buzadigan hokimlarni tayinlash kerakdir?
“Men Alimjonova Gulnora, Yangiyo‘l shahrida joylashgan Sharof Rashidov ko‘chasidagi xususiy do‘konning egasiman. 2019-yilning 17-may kuni Yangiyo‘l shahar hokimi F.Mirzayevning buyrug‘iga ko‘ra, ‘Savdo rastasi’ xususiy binosi burilmoqda. Hokim bu orqali tadbirkorlar to‘g‘risidagi qonunni hamda O‘zbekiston Prezidentining qarorlarini buzmoqda. Barcha hujjatlarimiz bo‘lishiga qaramay, hokim ekspert baholashini o‘tkazmasdan, kompensatsiya to‘lamasdan, roziligimizsiz binolarni buzishni boshladi”, — deydi murojaatchilardan biri.
Izoh (0)