Таниқли блогер Лилия Николенко Янгийўл шаҳрида тадбиркорларга тегишли дўконлар, сартарошхона ва бошқа бинолар бузилаётгани ҳақида «Дарё»га маълум қилди.
Бинолари бузилган Янғийўлдаги тадбиркорлардан мурожаат келиши давом этмоқда. Тадбиркорлар ҳокимдан бузиб ташланган бино учун компенсация сўрамоқда, бироқ компенсация йўқ. Тадбиркорлар томонидан берилган саволларга ҳокимлик қуйидагича жавоб қайтармоқда:
— Оиламизни қандай қилиб боқамиз? Ахир бизнесимизни йўқ қилдингизку?
— Бу ерга кўп қаватли уйларни қурамиз ва биринчи қаватидан сизларга жой ажратамиз.
— Қачон қуриб бўласизлар?
— Бир йилдан сўнг, балки қишгачадир.
— Оиламиз ҳеч қаердан даромад олмасдан қандай қилиб бир йил яшайди?
Ҳокимликдан жавоб йўқ.
«Биз йил охирига қадар солиқларни тўлаб қўйганмиз. Энди бизнесимиз йўқ. Пулларимизни қайтаришадими?’, ‘Бизнес учун кредит олганмиз, энди у йўқ. Қандай қилиб фоизларини тўлаймиз’, ‘Президент биноларга компенсация тўланмасдан бузилмаслигини айтган. Сизлар эса бульдозерларда барчасини яксон қилдинглар. Нега Президентнинг топшириғини бажармаяпсизлар? — дейди тадбиркорлар.
Янгийўлдаги тадбиркорларга тўланадиган компенсация миқдори ҳисоблаб чиқилса, пуллар яқин вақт ичида тўланмаслиги ойдин бўлади. Компенсация бюджет ҳисобидан тўланади, яъни солиқ тўловчилар ҳисобидан. Нега ҳоким бузганини давлат тўлайди?
Балки бузғунчи, бюджетни «соғадиган» ҳокимларни алмаштириб, аввал қурадиган, кейин компенсация тўлаб бузадиган ҳокимларни тайинлаш керакдир?
«Мен Алимжонова Гулнора, Янгийўл шаҳрида жойлашган Шароф Рашидов кўчасидаги хусусий дўконнинг эгасиман. 2019 йилнинг 17 май куни Янгийўл шаҳар ҳокими Ф.Мирзаевнинг буйруғига кўра, ‘Савдо растаси’ хусусий биноси бурилмоқда. Ҳоким бу орқали тадбиркорлар тўғрисидаги қонунни ҳамда Ўзбекистон Президентининг қарорларини бузмоқда. Барча ҳужжатларимиз бўлишига қарамай, ҳоким эксперт баҳолашини ўтказмасдан, компенсация тўламасдан, розилигимизсиз биноларни бузишни бошлади», — дейди мурожаатчилардан бири.
Изоҳ (0)