O‘zbekistonning Seul shahridagi elchixonasining konsullik bo‘limi chet ellik talabalar, jumladan, ikki nafar O‘zbekiston fuqarolarining velosipedlar o‘g‘irlagani va Chonju shahri politsiyasi tomonidan qo‘lga olingani to‘g‘risidagi OAVda tarqalgan ma’lumotni tasdiqladi. Bu haqda Tashqi ishlar vazirligi xabar berdi.
Ayni paytda tergov ishlari olib borilmoqda.
Elchixona huquqni muhofaza qiluvchi organlar bilan aloqa o‘rnatgan va vaziyatni nazoratga olgan.
Konsullik-huquqiy departamenti Janubiy Koreya hududida bo‘lib turgan O‘zbekiston fuqarolariga zarurat vaziyatlarda Seul shahridagi elchixonaga quyidagi telefon raqamlari orqali murojaat qilishlari mumkinligini eslatib o‘tadi: +82-02-574-65-54, +82-02-577-36-60.
https://www.facebook.com/koreyadagiuzbeklar/videos/455175211982762/
Avvalroq, Janubiy Koreya politsiyasi velosipedlarni o‘g‘irlab, o‘z davlatiga eksport qilmoqchi bo‘lgan chet ellik talabalarni qo‘lga olgani haqida xabarlar tarqalgandi. 29 yoshli Qirg‘iziston fuqarosi va 23 yoshdagi 2 nafar o‘zbekistonlik talaba ikki-uch hafta davomida 34 ta velosipedni o‘g‘irlagan.
Izoh (0)