AQShda go‘zallik tanlovi g‘olibi Twitter’da qoldirgan posti sabab unvonidan mahrum etildi

“Michigan go‘zali” tanlovining g‘olibi va “Dunyo go‘zali” ishtirokchisi Keti Chju Twitter ijtimoiy tarmog‘ida qoldirgan posti sabab mukofotidan hamda tanlovda ishtirok etish huquqidan mahrum etildi, deb xabar beradi “Korrespondent.net”.

Tanlov rahbariyati o‘zining rasmiy xatida qiz tomonidan qoldirilgan postni “haqoratli, ma’nisiz va o‘rinsiz” deb atagan. Biroq ular aynan qaysi post haqida gap ketayotganiga oydinlik kiritmagan.

Keti Chjuning o‘zi gap ikkita post haqida ketayotganini taxmin qilmoqda. Ulardan biri Michigan universiteti kampusidagi Hijobni o‘rab ko‘r loyihasiga bag‘ishlangan: “Endi ham hijob oddiy narsa va dinga aloqasi yo‘q demoqchimisiz? Yoki islom dini orqali ayollarga zulm qilishga urinmoqdamisiz?”.

Ikkinchisi esa qora tanlilarga bag‘ishlangan: “Aksariyat qora tanlilar boshqalarning aybi bilan halok bo‘lishini bilasizmi? Avval o‘z muammolaringizni hal qiling va shundan keyin boshqalarni ayblang”.

Keyinroq ikkala post ham qizning sahifasidan o‘chirib tashlangan.