АҚШда гўзаллик танлови ғолиби Twitter’да қолдирган пости сабаб унвонидан маҳрум этилди

«Мичиган гўзали» танловининг ғолиби ва «Дунё гўзали» иштирокчиси Кэти Чжу Twitter ижтимоий тармоғида қолдирган пости сабаб мукофотидан ҳамда танловда иштирок этиш ҳуқуқидан маҳрум этилди, деб хабар беради «Korrespondent.net».

Танлов раҳбарияти ўзининг расмий хатида қиз томонидан қолдирилган постни «ҳақоратли, маънисиз ва ўринсиз» деб атаган. Бироқ улар айнан қайси пост ҳақида гап кетаётганига ойдинлик киритмаган.

Кэти Чжунинг ўзи гап иккита пост ҳақида кетаётганини тахмин қилмоқда. Улардан бири Мичиган университети кампусидаги Ҳижобни ўраб кўр лойиҳасига бағишланган: «Энди ҳам ҳижоб оддий нарса ва динга алоқаси йўқ демоқчимисиз? Ёки ислом дини орқали аёлларга зулм қилишга уринмоқдамисиз?».

Иккинчиси эса қора танлиларга бағишланган: «Аксарият қора танлилар бошқаларнинг айби билан ҳалок бўлишини биласизми? Аввал ўз муаммоларингизни ҳал қилинг ва шундан кейин бошқаларни айбланг».

Кейинроқ иккала пост ҳам қизнинг саҳифасидан ўчириб ташланган.