23-iyul kuni Afg‘oniston hukumati Donald Trampdan AQSh bir necha kun ichida Afg‘onistondagi urushda g‘olib chiqishi mumkinligi to‘g‘risida bildirgan so‘zlariga oydinlik kiritishni so‘radi, deb xabar beradi “Korrespondent.net”.
“Afg‘on xalqi o‘z taqdirini xorijdagi birorta hukmron davlat hal etishiga yo‘l qo‘ymagan va qo‘ymaydi ham. Biz AQShning Afg‘onistonda tinchlikni o‘rnatish borasidagi sa’y-harakatlarini qo‘llab-quvvatlaymiz, biroq mamlakat taqdiri afg‘on rahbariyati ishtirok etmagan xorij davlatlari yetakchilarining uchrashuvda hal etilishi mumkin emas”, — deyiladi bayonotda.
Ta’kidlanishicha, Afg‘oniston hukumati Vashingtondan Trampning pozitsiyasi bo‘yicha oydinlik kiritishini kutmoqda.
Eslatib o‘tamiz, 22-iyul kuni Donald Tramp Oq uyda Pokiston bosh vaziri Imron Xon bilan uchrashib, Afg‘onistondagi vaziyatni bir necha kun ichida hal etishga qodirligini, biroq 10 million odamni o‘ldirishni istamasligini bildirgan edi.
Izoh (0)