Normativ-huquqiy hujjatlar loyihalari muhokamasi portalida “O‘zbekiston Respublikasida notariat tizimini tubdan isloh qilish chora-tadbirlari to‘g‘risida”gi Prezident farmoni loyihasi muhokama uchun e’lon qilindi.
Huquqshunos Xushnudbek Xudoyberdiyev o‘z Telegram-kanalida ma’lum qilishicha, loyihada 2019-yil 1-oktabrdan yaqin qarindoshlar o‘rtasida transport vositasidan foydalanishda notarial tasdiqlanishi shart bo‘lgan ishonchnomaning bekor qilinishi belgilangan.
Agar ushbu farmon loyihasi rasman imzolanadigan bo‘lsa, 2019-yil 1-oktabrdan boshlab mashina haydash uchun yaqin qarindoshlarni (ota-ona, er (xotin), bolalar, aka-ukalar, opa-singillar) sug‘urta polisida ko‘rsatishning o‘zi kifoya bo‘ladi, notariusdan ishonchnoma olish shart bo‘lmaydi. Muhokama 4-avgustga qadar davom etadi.
Izoh (0)