O‘zbekiston Kapital bozorini rivojlantirish agentligi delegatsiyasi 17-iyul kuni vitse-prezident Sheyla Pazarbashio‘g‘li boshchiligidagi Jahon banki vakillari bilan uchrashdi. Bu haqda agentlik matbuot xizmati “Daryo”ga ma’lum qildi.
Agentlik direktori Otabek Nazirov O‘zbekistonda kapital bozorini rivojlantirishning asosiy yo‘nalishlariga to‘xtalib, kapital bozori rivojiga to‘siq bo‘lib turgan asosiy omillarni sanab o‘tdi, shuningdek, O‘zbekiston global kapital bozoriga qo‘shilishdan manfaatdor ekanini ta’kidladi.
O‘z navbatida Sheyla Pazarbashio‘g‘li O‘zbekiston Jahon banki guruhi uchun ustuvor ahamiyatga ega mamlakat ekanligini qayd etib o‘tdi. Tomonlar kapital bozorining muvaffaqiyatli rivoji mahalliy institutsional investorlarning shakllanishiga bog‘liq ekani haqidagi fikrni qo‘llab-quvvatladi.
Xabar berishlaricha, uchrashuv yakunlariga ko‘ra agentlik va Jahon banki vakillari O‘zbekiston kapital bozorini yanada rivojlantirish maqsadida hamkorlik qilishga kelishib olgan.
Izoh (0)