O‘zbekiston Tashqi ishlar vaziri Abdulaziz Komilov 15-iyul kuni Afg‘oniston elchisi etib tayinlangan Ahmad Holid Elmiy bilan uchrashdi. Bu haqda TIV matbuot xizmati xabar berdi.
Ishonch yorliqlari nusxasini qabul qilar ekan, vazir elchini tabriklagan va birgalikda O‘zbekiston—Afg‘oniston munosabatlarini mustahkamlash va kengayishga ishonch bildirgan.
Suhbat chog‘ida ikki tomonlama munosabatlarning dolzarb masalalari muhokama qilingan. Afg‘onistondagi ko‘p yillik mojarolarni tinch yo‘l bilan hal qilish jarayonlariga alohida e’tibor qaratilgan.
Uchrashuvda, shuningdek, bo‘lajak qo‘shma tadbirlar kun tartibi va jadvali, jumladan Toshkent shahrida o‘tkazishilishi rejalashtirilayotgan Savdo-iqtisodiy hamkorlik bo‘yicha qo‘shma hukumatlararo komissiyaning birinchi majlisi yuzasidan fikr almashilgan.
Izoh (0)