Yoqilg‘i-energetika sohasida o‘zaro hisob-kitoblarni yanada takomillashtirish va moliyaviy barqarorlikni oshirish chora-tadbirlari to‘g‘risidagi Prezident farmoni qabul qilindi.
Farmonga muvofiq, 2019-yil 1-avgustdan tabiiy gaz va elektr energiyasini sotishdan tushadigan mablag‘lardan Majburiy ijro byurosini rivojlantirish jamg‘armasiga ajratmalar, qo‘shilgan qiymat va aksiz solig‘ini chegirib tashlab, 5 foiz miqdorda amalga oshiriladi.
Ilgari tushgan mablag‘larning 10 foizi o‘tkazilgan.
2019-yil oxirigacha Elektr energiyasini nazorat qilish va hisobga olishning avtomatlashtirilgan tizimiga ulanganlar soni 2,5 mlnga yetkaziladi hamda 2020-yil oxirigacha 100 foiz iste’molchilar tizimga ulanadi.Buning uchun jamg‘arma mablag‘laridan 100 milliard so‘m ajratiladi.
2020-yil 1-yanvardan prokuratura organlari xodimlari bir qismining ta’minoti jamg‘armadan davlat budjetiga o‘tkaziladi.
Izoh (0)