5-iyulning e’tiborga molik yangiliklari — “Daryo” dayjestida.
Surxondaryoda elektrdan qarzi tufayli tarmoqdan uzib qo‘yilgan uy egalari MIB xodimlarini do‘pposladi.
MIB xodimlari qarzi bor xonadonni tarmoqdan uzmoqchi bo‘ladi. Uy egalari esa bundan darg‘azab bo‘lib, xodimlarni do‘pposlagan.
Keyinroq Surxondaryoda MIB xodimlarini do‘pposlaganlar ushlangani, ularga nisbatan jinoiy ish qo‘zg‘atilgani xabar berildi.
***
Buxorodagi “Kolxoz” bozorida joylashgan bir qator do‘konlar yonib ketdi.
Buxoro shahri markaziy bozorida (“Kolxoz” bozor) joylashgan bir qator do‘konlarning yonib ketgani tasvirlangan suratlar paydo bo‘ldi.
Keyinroq do‘konlarning yonib ketishiga tunda yoniq holda qoldirilgan konditsioner sabab bo‘lgani ma’lum qilindi.
***
Adliya vazirligi Gulnora Karimova saqlanayotgan ayollar koloniyasida o‘tkazilgan o‘rganish natijalarini e’lon qildi.
Vazirlikning qayd etishicha, yashash sharoitlari Jinoyat-ijroiya kodeksining 117-moddasiga mos keladi. Ushbu moddada mahkumlarning umumiy rejim koloniyalarida umumiy yashash joylarida yashashi belgilangan.
***
Qoraqalpog‘istondagi Sudochye ko‘li yonmoqda.
Ko‘l bo‘ylab bir nechta yong‘in o‘choqlari bor. Eng yaqin aholi punktigacha bo‘lgan masofa cho‘l hududi orqali 50 kilometrcha chiqadi.
***
UzAuto Motors kompaniyasi yangi modellar va yangi ranglardagi avtomobillarni yil oxiriga qadar taqdim etadi.
UzAuto Motors kompaniyasi rahbarining qayd etishicha, Cobalt o‘rniga yangi model ishlab chiqariladi va u yil oxiriga qadar taqdim etiladi.
Shuningdek, yil oxiriga qadar SUV toifadagi mashinalar hamda Toshkentda yig‘iladigan Chevrolet Trailblazer, Chevrolet Equinox va Chevrolet Traverse avtomobillarining ham ishlab chiqarilishi yo‘lga qo‘yiladi.
Izoh (0)