Rossiya prezidenti Vladimir Putin allaqachon yosh siyosatchilar orasidan o‘z izdoshini qidirmoqda. Bu haqda Butunrossiya jamoatchilik fikrini o‘rganish markazi direktori Valeriy Fyodorov “Rossiyskaya gazeta”ga bergan intervyusida aytib o‘tdi.
Uning fikricha, rossiyaliklar Putinning davomchisi ismini yaqin orada bilmasa ham, uning qiyofasini va tipajini hozirdan tasavvur qilish mumkin. Xususan, prezidentlikka bo‘lajak nomzod 40—50 yoshda bo‘lishi mumkin, u mas’uliyatliligi, g‘ayratliligi va zamonaviyligi bilan ajralib turadi. Shuningdek, Putinning izdoshi kuchli xarakterga ega bo‘ladi va albatta “dengizorti ‘ne’matlari’ni deb Rossiyaning mustaqilligi, suvereniteti va uning buyuk davlat maqomini hech qachon qurbon qilmaydigan” vatanparvar bo‘ladi.
Shuningdek, Butunrossiya jamoatchilik fikrini o‘rganish markazi direktori ta’kidlashicha, Putin o‘z vakolatlari muddatini uzaytirish uchun konstitutsiyani o‘zgartirib o‘tirmaydi. Uning so‘zlariga ko‘ra, prezident “qonunni o‘ziga moslashtirishga tayyor emasligini” ko‘p bor isbot qilgan. “U buni 2007-yilda qilmagan edi, nima uchun 2023-yilda qilishi kerak?” — dedi u.
Izoh (0)