Toshkent sirkida keng ko‘lamli rekonstruksiya ishlari olib borilmoqda, deb xabar beradi Toshkent shahar hokimligi matbuot xizmati.
“Sirkni rekonstruksiya qilishga 46 milliard 630 million so‘m sarflanmoqda. Ishlarni 305 kunda yakunlash rejalashtirilgan. Hozirda yordamchi binolarning tom qismlari va old fasadlarini yangilayapmiz.
Yevropa standartlariga mos qilib ta’mirlashga harakat qilinmoqda. 2750 kishiga mo‘lajllangan tomosha zalimiz bor. Ularning pollari, o‘rindiqlari yuz foiz yangilanadi. Keyingi Navro‘z kuniga topshirishni reja qilganmiz”, — deydi ta’mirlash ishlariga mas’ul MChJ muhandisi Abdulhamid Holiqov.
Mukammal ta’mirlash ishlari davomida havoni sovitish tizimi, isitish va elektr tarmoqlari, oqova suv tizimi, bino tomi, eshiklari, romlari, umuman moddiy-texnik bazasi yangilanadi.
Izoh (0)