Xitoylik general An Pu va qadim Buxoro o‘rtasida qanday aloqa bor? Ikuo Xirayamaning xalqaro madaniyat karvonsaroyi va yosh grafik rassomlar. 200 kg li muzqaymoqni ko‘rganmisiz? Siz uchun pul nima? Tadbirkorlik g‘oyalarini rivojlantirish va tushunish bo‘yicha o‘yinlar. O‘rgimchak odam Toshkentda!
Shahringizda kutilayotgan tadbirlar haqida Daryo Weekend’da ma’lumot berilishini istasangiz, ma’lumotlarni bizga info@simple.uz elektron pochta manziliga yuboring.
KO‘RGAZMALAR
“Buxoraga qaytish”
24-iyundan 20-sentabrgacha, O‘zbekiston tarixi davlat muzeyining ko‘rgazmalar zalida, asli Buxorodan bo‘lgan, tug‘ilish vaqti taxminan 600-yillarga to‘g‘ri keladigan hamda o‘zining jasurligi va buyuk ishlari tufayli Xitoy tarixida unutilmas iz qoldirgan General An Puga bag‘ishlangan “Buxoroga qaytish: General Pu va uning rafiqasi maqbarasining madaniy merosi” ko‘rgazmasi bo‘lib o‘tmoqda. Ko‘rgazmada General An Pu va uning rafiqasiga tegishli bo‘lgan va saqlanib qolgan 75 ta eksponat taqdim etiladi.
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
“Yosh grafik rassomlar” guruhining ko‘rgazmasi
28-iyundan 12-iyulga qadar Ikuo Xirayamaning xalqaro madaniyat karvonsaroyi kichik ko‘rgazmalar zalida Milliy tasviriy san’at va dizayn instituti talabalari guruhining “Yosh grafik rassomlar” deb nomlangan ko‘rgazmasi ochiladi. Ko‘rgazmada 40 dan ortiq asarlar namoyish etiladi.
KO‘NGILOCHAR
6-iyul kuni 18:00 da Mar Ice’da turk muzqaymog‘i festivali bo‘lib o‘tadi
Dasturda 200 kg li muzqaymoq arra va bolta yordamida bo‘linadi, shuningdek sizlarni tanlovlar va sovg‘alar, animatorlar namoyishlari va boshqa ko‘plab qiziqarli dasturlar kutmoqda.
MAORIF
Tadbirkorlik g‘oyalari bo‘yicha bepul master-klass
5-iyul kuni “Ground Zero Sergeli”da tadbirkorlik g‘oyalari bo‘yicha bepul mahorat darslari o‘tkaziladi. Biznes-klass 12 yoshdan 16 yoshgacha bo‘lgan o‘smirlar uchun mo‘ljallangan.
Dasturda:
- tadbirkorlik g‘oyalarini rivojlantirish va tushunish bo‘yicha o‘yinlar
- interaktiv suhbat formati
- tadbirkorlar va pul haqida mavzular
- biznes ko‘nikmalarini amaliyotda qo‘llash kabi mavzularda so‘z yuritiladi.
2—6-iyul kunlari qadar Zero Line Galereyasi tomoshabinlarga buyuk rassomlar va tasviriy san’at bo‘yicha ma’ruzalar ruknini taqdim etadi. Ushbu ma’ruzalardan siz tarixda nom qoldirgan usta rassomlarning hayoti va ijodi haqida qiziqarli ma’lumotlarni bilib olishingiz mumkin bo‘ladi.
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
Bepul “Kviz, pliz” intellektual o‘yini
6-iyul 17:00 da, NEXT savdo majmuasining fudkortida, “Kviz, pliz” intellektual o‘yini tashkil qilinadi. O‘yin jamoaviy bo‘lib, istagan odam ishtirok etishi mumkin. O‘z bilim salohiyatingizni sinab ko‘rish uchun tashrif buyurishingiz mumkin.
KINO
Yurtimiz kinoteatrlarida namoyish etilayotgan filmlar anonsiga to‘xtaladigan bo‘lsak, Alisher Navoiy nomidagi kinosaroyda “Jonim dadam” filmi, “Super xizmatkor” komediyasi, “Snayper”, “Keksa bo‘ydoq” kabi filmlar namoyishi bo‘lib o‘tmoqada. Shuningdek, ayni damda, kinoteatrlarda mashhur “O‘yinchoqlar hikoyasi” multfilmining 4-qismi, Gollivud ijodkorlarining shov-shuvlarga sabab bo‘lgan “Qoradagi odamlar: interneshnl” hamda “Qochish jejasi-3” filmi, va eng shov-shuvli premyeralardan biri — “O‘rgimchak odam: uyga qaytish” kinokartinasi namoyishi bo‘lib o‘tmoqda.
SPORT
Elektron hisoblash tizimli test-yugurish o‘tkaziladi
6-iyul soat 19:00 da “Paxtakor” sport majmuasida elektron hisoblash tizimli test-yugurish sinovi o‘tkaziladi. Qatnashuvchilar 5 va 10 km masofaga xalqaro toifadagi yo‘lakchadan, natijalarni elektron sensor yordamida qayd etuvchi qurilma bilan yugurib o‘tishlari va o‘zlarining jismoniy holatlari qay darajada ekanligini bilib olishlari mumkin bo‘ladi.
Izoh (0)