Тошкент циркида кенг кўламли реконструкция ишлари олиб борилмоқда, деб хабар беради Тошкент шаҳар ҳокимлиги матбуот хизмати.
«Циркни реконструкция қилишга 46 миллиард 630 миллион сўм сарфланмоқда. Ишларни 305 кунда якунлаш режалаштирилган. Ҳозирда ёрдамчи биноларнинг том қисмлари ва олд фасадларини янгилаяпмиз.
Европа стандартларига мос қилиб таъмирлашга ҳаракат қилинмоқда. 2750 кишига мўлажлланган томоша залимиз бор. Уларнинг поллари, ўриндиқлари юз фоиз янгиланади. Кейинги Наврўз кунига топширишни режа қилганмиз», — дейди таъмирлаш ишларига масъул МЧЖ муҳандиси Абдулҳамид Ҳолиқов.
Мукаммал таъмирлаш ишлари давомида ҳавони совитиш тизими, иситиш ва электр тармоқлари, оқова сув тизими, бино томи, эшиклари, ромлари, умуман моддий-техник базаси янгиланади.
Изоҳ (0)