Toshkent shahar hokimligida shahar hokimi Jahongir Ortiqxo‘jayev va faol yoshlar o‘rtasida uchrashuv bo‘lib o‘tdi. Bu haqda hokimlik matbuot xizmati xabar berdi.
Uchrashuv davomida yoshlar bandligini ta’minlashda namuna ko‘rsatgan Bektemir tuman hokimi Shohrux Mamajonov taqdirlandi. Shuningdek, tengdoshlariga ko‘rsatgan ibrati va tashabbuskorligi sabab Shohrux Olimjonovga pedagogik sohadagi oliy o‘quv yurtiga imtiyoz asosida o‘qishga kirish imkoniyatini beruvchi tavsiyanoma sovg‘a qilindi.
“Bizda birinchi navbatda bog‘cha tanqis. Xususiy bo‘ladimi, davlatniki bo‘ladimi juda ko‘p qurishimiz kerak. Undan keyin maktab va universitetlarni ko‘paytirishimiz kerak. To‘rtinchi bo‘lib, meditsinani rivojlantirishimiz kerak… Har bir yoshning o‘zi istagan joyda o‘qishi va ishlashi uchun imkoniyat yaratishimiz lozim”, — deydi Toshkent shahar hokimi.
Izoh (0)