Jizzax shahrida yashovchi Tojiqulov Yuriy (ismi-sharifi o‘zgartirilgan) ukasi Ya.Tojiqulov bilan birga spirtli ichimlikdan mast holda Jizzax shahar Ittifoq mahallasidagi “Danaya” nomli oziq-ovqat hamda spirtli ichimliklar savdo do‘koni oldida fuqaro J.Yoqubova (ismi sharifi o‘zgartirilgan) va L.Utkina (ismi-sharifi o‘zgatirilgan) bilan jamoat tartibini buzib, mayda bezorilik harakatlarini sodir etgan. Tojiqulov Yuriy muqaddam IIB xodimining qonuniy faoliyatiga faol qarshilik ko‘rsatgani sababli 2018-yilning o‘zida ikki marta sudlanib, jazo muddatini o‘tayotgan bo‘lgan.
Jinoyat ishlari bo‘yicha Jizzax shahar sudining xabariga ko‘ra, voqea 2019-yil 3-aprel kuni tungi soat 22:20 larda sodir bo‘lgan.
Shu hududga tungi xizmat vazifasini olib borayotgan Jizzax viloyat IIB PPX va JTSB xodimi Ch.Malikov (ismi-sharifi o‘zgartirilgan) va Y.Danishev (ismi-sharifi o‘zgartirilgan) ularni ajratib, voqeaga aniqlik kiritish maqsadida, Yu.Tojiqulovni o‘zining Nexia rusumli xizmat mashinasiga o‘tkazmoqchi bo‘lganida Yu.Tojiqulov mashinaning orqa o‘ng oynasini sindirib, IIB xodimi Ch.Malikovning qonuniy faoliyatiga qarshilik ko‘rsatib, qasddan yuziga musht tushirgan.
Sudga tibbiyot ekspertizasi xulosasiga ko‘ra, Ch.Malikovning tan jarohati “o‘ng ko‘z yuqori va pastki qovoqda qontalash, yuqori lab sohasidagi lat yarasi va yumshoq to‘qimalar lat yeyishi” deb baholanib, og‘irlik darajasi bo‘yicha sog‘liqning qisqa muddatga buzilishiga olib kelmagan yengil tan jarohati deb topilgan.
Jinoyat ishlari bo‘yicha Jizzax shahar sudining 2019-yil 24-iyun kungi hukmi bilan Yu.Tojiqulov xatti-harakati bilan Jinoyat Kodeksining 219-moddasi 1-qismida nazarda tutilgan jinoyatni sodir etganlikda aybdor deb topilib, JKning 60-moddasiga asosan 1 yil muddatga ozodlikdan mahrum qilish jazosi tayinlangan.
Jazo qattiq tartibli kaloniyalarda o‘tashlik hamda Yu.Tojiqulovdan Jizzax viloyat IIB PPX va JTSB foydasiga 157 719 so‘m moddiy zarar undirish belgilandi.
Izoh (0)