O‘zbekiston temir yo‘llari Toshkentda shaharsozlik ishlari, xususan yer usti metro liniyalari qurilishi olib borilayotgani poytaxt aholisiga ayrim noqulayliklar tug‘dirayotganiga munosabat bildirdi.
Qayd etilishicha, bunday norozilik ayni paytda Sergeli tumanning “Choshtepa” mahallasi aholisida kuzatilmoqda. Sababi, ularning uylari metro liniyalari qurilishiga yaqin joylashgan.
“Ta’kidlash joizki, Sergeli tumani aholi zich joylashgan tumanlardan biri bo‘lib, qolaversa bu yerda yangi ko‘p qavatli uylarning (yaqin kelajakda 500 ta) qurilishi va shahar aglomeratsiyasining kengayishi tufayli aholining jamoat transportiga bo‘lgan talabi yuqori bo‘lishi kutilmoqda. Yer usti metro liniyasining qurilishi nafaqat yo‘lovchilar tashish xizmatini yaxshilaydi, balki shahar avtomobil yo‘llarining tirbandligining oldini oladi hamda ekologiya va atrof-muhitni yaxshilashga yordam beradi”, — deyiladi kompaniya bayonotida.
Izoh (0)