Buxoro viloyati Favqulodda vaziyatlar boshqarmasi xodimlari go‘sht qiymalagich ichiga qo‘li kirib qolgan bolakayga yordam ko‘rsatdi. Bu haqda FVV matbuot xizmati xabar berdi.
Buxoro viloyatida yashovchi 2 yoshli bolakayning qo‘li ehtiyotsizlik tufayli go‘sht qiymalagicha tiqilib qolgan.
Favqulodda tibbiy yordam ko‘rsatish markazining jarroh bo‘limiga zudlik bilan olib kelingan bolaning qisilib qolgan barmoqlarini jarohatsiz chiqarib olish bo‘yicha tibbiy xodimlar hamda qutqaruvchilarning hamkorlikdagi o‘ta ehtiyotkorlik va mahorat bilan amalga oshirgan harakatlari natijasida elektr go‘sht qiymalagich maxsus moslamalar bilan kesib olindi.
Olib borilgan tezkor harakatlar natijasida bolaning qo‘li moslamadan chiqarib olindi.
Izoh (0)