26-iyunning e’tiborga molik yangiliklari — “Daryo” dayjestida.
Sobiq bosh prokuror Rashidjon Qodirov 10 yilga ozodlikdan mahrum etildi.
Jinoyat ishlari bo‘yicha Toshkent shahar sudi, Yunusobod tuman sudining binosida, 2019-yil 26-iyun kuni O‘zbekistonning sobiq bosh prokurori Rashidjon Qodirov va boshqalarga oid (jami 13 nafar shaxs) jinoyat ishi bo‘yicha ayblov hukmi e’lon qilindi.
***
Jahongir Ortiqxo‘jayev yarim tunda daraxtlarni noqonuniy kesayotgan shaxslarni tutib oldi.
Hokim ushbu noqonuniy harakat bo‘yicha izoh so‘raganida, ular diametri 70—80 santimetr bo‘lgan 20 ta daraxtni kesish uchun “Yagona darcha” davlat xizmatlari markazidan 61 ming so‘m evaziga ruxsat olganini ma’lum qilgan.
Keyinroq Davlat xizmatlari agentligi Toshkentda noqonuniy daraxt kesuvchilar qo‘lga tushgani yuzasidan izoh berdi va qoidabuzarlar taqdim etgan qog‘oz parchasi, aslida daraxt kesishga ruxsatnoma emas, balki DXMga ariza topshirilganligi to‘g‘risidagi ma’lumot bo‘lganini qayd etdi.
***
Sog‘liqni saqlash vazirligi jazirama kunlari tush paytida ko‘chaga chiqmaslikni tavsiya qildi.
O‘zbekiston Sog‘liqni saqlash vazirligi havo harorati keskin ko‘tarilgan hozirgi mavsumda ehtiyotkorlik choralarini ko‘rishni tavsiya qildi.
***
Toshkentda yuk mashinasi 6 ta yengil avtomobil bilan to‘qnashib ketdi.
To‘qnashuvga uchragan 3 ta Matiz, Lacetti, Cobalt va Spark mashinalarining haydovchilari orasida jarohat olganlar yo‘q.
***
Amerikada 27 daqiqaga o‘lgan ayol narigi dunyo haqida gapirib berdi.
Tina hushiga kelishi bilan ruchka va qog‘ozni olib “U mavjud” deya yozgan. Qarindoshlari Tinadan nima haqida yozganini so‘rashganida, u ko‘zida yosh bilan osmonga ishora qilgan.
Izoh (0)