26 июннинг эътиборга молик янгиликлари — «Дарё» дайжестида.
Собиқ бош прокурор Рашиджон Қодиров 10 йилга озодликдан маҳрум этилди.
Жиноят ишлари бўйича Тошкент шаҳар суди, Юнусобод туман судининг биносида, 2019 йил 26 июнь куни Ўзбекистоннинг собиқ бош прокурори Рашиджон Қодиров ва бошқаларга оид (жами 13 нафар шахс) жиноят иши бўйича айблов ҳукми эълон қилинди.
***
Жаҳонгир Ортиқхўжаев ярим тунда дарахтларни ноқонуний кесаётган шахсларни тутиб олди.
Ҳоким ушбу ноқонуний ҳаракат бўйича изоҳ сўраганида, улар диаметри 70—80 сантиметр бўлган 20 та дарахтни кесиш учун «Ягона дарча» давлат хизматлари марказидан 61 минг сўм эвазига рухсат олганини маълум қилган.
Кейинроқ Давлат хизматлари агентлиги Тошкентда ноқонуний дарахт кесувчилар қўлга тушгани юзасидан изоҳ берди ва қоидабузарлар тақдим этган қоғоз парчаси, аслида дарахт кесишга рухсатнома эмас, балки ДХМга ариза топширилганлиги тўғрисидаги маълумот бўлганини қайд этди.
***
Соғлиқни сақлаш вазирлиги жазирама кунлари туш пайтида кўчага чиқмасликни тавсия қилди.
Ўзбекистон Соғлиқни сақлаш вазирлиги ҳаво ҳарорати кескин кўтарилган ҳозирги мавсумда эҳтиёткорлик чораларини кўришни тавсия қилди.
***
Тошкентда юк машинаси 6 та енгил автомобиль билан тўқнашиб кетди.
Тўқнашувга учраган 3 та Matiz, Lacetti, Cobalt ва Spark машиналарининг ҳайдовчилари орасида жароҳат олганлар йўқ.
***
Америкада 27 дақиқага ўлган аёл нариги дунё ҳақида гапириб берди.
Тина ҳушига келиши билан ручка ва қоғозни олиб «У мавжуд» дея ёзган. Қариндошлари Тинадан нима ҳақида ёзганини сўрашганида, у кўзида ёш билан осмонга ишора қилган.
Изоҳ (0)