Prezidentimizning 2018-yil, 23-oktabrdagi “Elektr energetikasi tarmog‘ini jadal rivojlantirish va moliyaviy barqarorligini ta’minlash chora-tadbirlari to‘g‘risida”gi qaroriga asosan, “Hududiy elektr tarmoqlari” AJ tomonidan Janubiy Koreyaning “KT Corporation” kompaniyasi bilan hamkorlikda Buxoro viloyatida elektr energiyasini hisobga olish va nazorat qilishning avtomatlashtirilgan tizimni joriy etish ishlari (EEHO va NQAT) bosqichma-bosqich reja asosida olib borilmoqda.
Elektr energiyasini hisobga olish va nazorat qilishning avtomatlashtirilgan tizimining joriy etilgayotgani iste’molchi va elektr ta’minoti korxonasi o‘ztasida bir qator qulayliklarni yaratmoqda.
Xususan, aholi tomonidan iste’mol qilingan elektr energiyasi uchun to‘lovlarni oldindan amalga oshirilishi, elektr energiyasi iste’moli va texnik yo‘qotishlarning nazoratini olib borish, iste’molchilarga uzluksiz va sifatli elektr energiyasi yetkazib berish, rejali va avariyaviy o‘chishlar haqida iste’molchilarni oldindan ogohlantirish, qarzdor iste’molchilarni yakka tartibda tarmoqdan ajratish hamda tarmoqda me’yordan yuqori kuchlanish paydo bo‘lganda iste’molchilarning elektr jihozlarini himoyalash imkoniyati yaratiladi.
Bunday imkoniyatlarni keng tadbiq etish maqsadida, Buxoro shahri, G‘ijduvon, Kogon va Peshku tumanlarida iste’molchilarning elektr energiyasini hisobga olish va nazorat qilishning avtomatlashtirilgan tizimini joriy etish ishlari boshlab yuborildi.
Buxoro shahrida jami 79942 nafar iste’molchi bo‘lib, shundan 66722 ta elektr hisoblagich almashtirildi, 518 ta konsentrator uskunasi o‘rnatildi. G‘ijduvon tumanida 62193 nafar iste’molchi bo‘lib, 55317 ta elektr hisoblagich almashtirildi, 334 ta konsentrator uskunasi o‘rnatildi. Qorovulbozor tumanida esa jami 4 537 nafar iste’molchiga 100 foiz elektr hisoblagichlar va 79 ta konsentratorlar o‘rnatildi. Kogon tumanida 34839 iste’molchi bo‘lib, shundan 4273 ta zamonaviy elektr hisoblagich almashtirildi va 32 ta konsentrator uskunasi o‘rnatildi. Peshku tumanida 24341 iste’molchi bo‘lsa, shundan 4007 ta elektr hisoblagich hamda 38 ta konsentrator uskunasi o‘rnatildi.
Buxoro shahar elektr ta’minoti korxonasida (EEHO va NQAT) tizimini joriy etish natijasida 71323 maishiy iste’molchilardan 66 335 ta (93 foiz) elektr hisoblagichlari almashtirildi, shundan 53835 tasi AMI dasturiga ulandi.
Natijada, 2019-yil 1-yanvar holatida debitor qarzdorlik 4 015,0 mln. so‘mni tashkil qilgan bo‘lsa, bu ko‘rsatgich 01 iyun holatida 3 261,4 mln.so‘mni ya’ni, 753,6 mln.so‘mga kamayishga erishildi.
O‘tgan davrlarda SMS ko‘rik natijasida aholi iste’molchilariga hisoblangan elektr energiyasi o‘rtacha bir oyda 10 530,0 ming.kVt.soatni tashkil etgan bo‘lsa, yangi zamonaviy elektr hisoblagichlar etilgandan so‘ng, oyiga 12 869,6 ming.kVt.soatni ya’ni, 2 339,6 ming.kVt.soat 22 foizga oshdi. Yetkazib berilgan elektr energiyasi uchun undirilgan mablag‘ o‘rtacha bir oyda 2 146,0 mln.so‘mni tashkil etgan bo‘lsa, tizim ishga tushirilgach esa bu ko‘rsatgich 3 354,0 mln.so‘m ya’ni 1 208,0 mln.so‘mga ko‘payishiga erishildi.
Alohida ta’kidlash kerakki, ushbu zamonaviy elektr hisoblagichlar iste’molchilarga “Hududiy elektr tarmoqlari” AJ mablag‘lari evaziga bepul o‘rnatib berilmoqda.
2018-2021-yillar davomida bosqichma-bosqich Buxoro viloyatidagi barcha iste’molchilarga zamonaviy elektr hisoblagichlar o‘rnatib beriladi.
“Hududiy elektr tarmoqlari” AJ Matbuot xizmati
Kanalga a’zo bo‘lish: @hetmuloqot
Izoh (0)