Rashidjon Qodirovning ishini ko‘rib chiqayotgan sud tarkibi hozirda ushbu masala yuzasidan qaror qabul qilish uchun maslahat xonasiga kirgan. Bu haqda Oliy sud raisi o‘rinbosari Xolmo‘min Yodgorovning so‘zlariga asoslanib, “Gazeta.uz” xabar berdi.
“Rashidjon Qodirov va yana 13 kishiga nisbatan ochilgan jinoyat ishi Toshkent shahar jinoyat ishlari bo‘yicha sudida ko‘rib chiqilmoqda. Hozirda sud tarkibi maslahat xonasiga yig‘ilgan. Qaror tez kunda qabul qilinadi va e’lon qilinadi”, — degan Oliy sud raisi o‘rinbosari.
Ish yopiq tarzda ko‘rib chiqilayotgani, ayrim faktlarning sir tutilishi sababli hukm o‘qilayotgan kuni sud zaliga OAV xodimlari kiritilmaydi, degan Xolmo‘min Yodgorov.
Oliy sud Rashidjon Qodirovga nisbatan chiqarilgan hukmni OAV orqali e’lon qiladi.
Izoh (0)