Uzbekistan airways o‘quv-tayyorgarlik markazi direktori Stanislav Gurfinkel milliy aviakompaniyaning kadrlar siyosati va nima uchun xorij uchuvchilarni jalb etish masalasi ko‘rib chiqilmayotganiga izoh berdi.
O‘quv markazi direktoriga ko‘ra, uchuvchilarni tayyorlash kurslarining dastlabki bosqichiga 200 nafar nomzoddan 5 nafarigina o‘tgan. Shunday bo‘lsada talablar o‘zgarmaydi.
“Tanlov birinchi bor o‘tkazildi va faqat 5 kishi tanlab olindi. Bu yerda gap faqat bilimda emas, tibbiy va psixologik ko‘rsatkichlar ham mavjud. Biroq bizning pozitsiyamiz bor, ushbu sohada hech kimga yon bosmaymiz. O‘zbekiston fuqarolari ichidan nomzodlarni qidirish biz uchun prinsipial masala. Ishonchim komilki, bizda aviatsiya sohasida ishlashga qodir professional kadrlar yetarli”, — deydi Gurfinkel.
Uchuvchilarni tayyorlash darajasi nazorati va baholanishi bilan mustaqil konsultant sifatida ishtirok etayotgan tajribali xorijlik uchuvchi shug‘ullanmoqda.
“U orqali trenajyorlardagi barcha tekshiruvlarning 50—60 foizi o‘tadi. Agarda kimnidir tayyor emas deb topsa, biz muammo bartaraf etilmaguniga qadar bu uchuvchini parvozlarga qo‘ymaymiz”, — deydi o‘quv markazi rahbari.
Izoh (0)