ShHTning Bishkek sammiti tadbirlari doirasida O‘zbekiston Prezidenti Shavkat Mirziyoyev Afg‘oniston prezidenti Ashraf G‘ani bilan uchrashdi. Bu haqda Prezident matbuoti xabar berdi.
Shavkat Mirziyoyev turli darajadagi ikki tomonlama muloqotlar faollashgani, tovar ayirboshlash hajmi ortayotgani, o‘zaro manfaatli iqtisodiy hamkorlik va gumanitar almashinuvlar kengayib borayotganini alohida ta’kidladi.
Uchrashuvda Afg‘onistonning ijtimoiy-iqtisodiy tiklanishiga ko‘maklashish hamda ushbu mamlakatni Markaziy Osiyodagi mintaqaviy hamkorlikka jalb etishga qaratilgan aniq dastur va loyihalarni ro‘yobga chiqarishning amaliy masalalari ko‘rib chiqildi.
Ashraf G‘ani Afg‘onistondagi vaziyatni tez fursatda tinch yo‘l bilan hal etish borasidagi faol sa’y-harakatlari uchun O‘zbekiston rahbariga minnatdorchilik bildirdi.
Izoh (0)