O‘zbekistonlik oshpazlar Grozniy shahrida joylashgan “Checheniston yuragi” masjidi oldida o‘tkazilgan iftorlikda 20 ming kishiga mo‘ljallab osh tayyorladi, deb xabar beradi Sputnik.
“Maydonning qoq markaziga ‘oshxona’ qurilib, minglab odamlarga ovqat tayyorlash uchun ulkan qozonlar o‘rnatildi. Kavkaz va Osiyo oshxonasiga oid ovqat va desertlar tayyorlandi”, — deyiladi xabarda.
Iftorlikka O‘zbekistonlik oshpazlar 20 ming kishiga mo‘ljallab osh damlagan.
Odamlar bemalol ovqatlanishlari uchun yerga yuzlab metr gilam to‘shalgani aytilmoqda.
Izoh (0)